ARTISTS HOLD A STAKEHOLDERS MEET ON PROPOSED INTELLECTUAL PROPERTY POLICY

The Ministry of Industry and Trade is in the last phase of preparing the National Intellectual Property Policy. The Policy has been in preparation since 2012. A few days ago artists brought together by Tanzania Musicians Network and Tanzania Film Federation with the help of a grant from Best AC, gathered at the Chichi Hotel in Kinondoni and  spent hours coming up with suggestions for the Copyright section of the Policy. Present at the meeting were leaders and members of all the four Federations of Artists and the Tanzania Musicians Network (TAMUNET), also present were officials from the Ministry  of Industry and Trade. Tanzania Musicians Network will work with Tanzania Film Federation in collecting all the suggestions of the artists together with other Copyright stakeholders and together come up with a workable Copyright policy for presentation to the Government.

TAMUNET WAFANYA MKUTANO NA WANACHAMA

TAMUNET- Mtandao wa Wanamuziki Tanzania umefanya mkutano katika ofisi za mtandao huo, jirani na Kinondoni Mahakamani, ambao wanamuziki na viongozi wa bendi walialikwa katika kuongelea changamoto zinazoikabili tasnia hiyo. Mkutano huo ulianza kwa Mwenyekiti wa Mtandao John Kitime kutoa ripoti ya utendaji wa Mtandao huo toka ulipoanza na changamoto ambazo Mtandao umepitia.

Baadhi ya mafanikio ya Mtandao huo ni kukamilisha ripoti iliyofadhiliwa na BEST AC ambapo kwa kutumia mtaalamu kutoka Afrika ya Kusini waliweza kutengeneza ripoti iliyoitwa  Study on Artists Copyright Management& Royalties Collection and Distribution in the Tanzania Music Industry. Ripoti hii ilionyesha changamoto za ukusanyaji na ulipaji wa mirabaha kwa wanamuziki wa Tanzania. Nakala ya utafiti huu ilikwisha wasilishwa kwa Katibu Mkuu wa Wizara ya Habari, Utamaduni na Michezo, ili kuwezesha TBC ambayo ni redio  na TV ya Taifa kuanza kulipa mirabaha kadri ya maelekezo ya sheria ya Hakimiliki na hakishiriki. Bahati mbaya mpaka sasa Wizara haija onyesha ushirikiano kwa hili.

Mtandao pia umeshiriki katika kuwasilisha kwenye Bunge la katiba mapendekezo makuu ya wasanii, i. Wasanii kutajwa  katika Katiba kama kundi maalumu kama walivyotajwa wakulima, wafugaji na wavuvi, kwa kuwa idadi ya wasnii ni kubwa sana, wanaingiza kipato kuliko wavuvi, na inaajiri watu wengi kuliko wavuvi. Pia Mtandao umeluweko katika mchakato wa kutengeneza sera ya Milikibunifu.

Mtandao ni mwananchama wa International Federation of Musicians na mwenyekiti aliwaasa wanamuziki kutumia fursa zinazotokana na uanachama wa shirika hilo.

Kikao kilamua kutengeneza kamati ya kukutana na wanamuziki katika sehemu zao za kazi ili kuongeza wanachama. Na pia kuangalia shughuli za kijamii ambazo wanamuziki wanaweza kufanya kama mchango wao kwa jamii.

Baada ya chakula cha mchana wajumbe walitawanyika

KUMBUKUMBU YA MZEE GURUMO

MAZISHI YA MZEE MUHIDIN GURUMO KUWA KESHO JUMANNE -15/4/2014

Mazishi ya Mzee Gurumo kuwa kesho kijiji alichozaliwa huko Masaki. Mwili wa Mzee Gurumo utaondoka kwake Mabibo kesho asubuhi saa nne kuelekea kwenye Masaki

MZEE MUHIDIN HATUNAE TENA

Mwanamuziki nguli na muimbaji wa miaka mingi Mzee Muhidi Maalim Gurumo hatunae tena. Mzee Gurumo amefariki alasiri hii katika hospitali ya Muhimbili alikokuwa amelazwa kwa matibabu. Mungu amlaze Pema Peoni Amin

MKUTANO WA KWANZA WA VIONGOZI WA BENDI WAFANYIKA BASATA

Mkutano wa kwanza wa viongozi wa bendi mwaka huu, uliofanyika katika ukumbi wa Basata Jumanne tarehe 25 March umekuwa na mengi mazuri. Kwanza wanamuziki walikumbushwa mengi ambayo yameshindikana kufanyika kwa kutokuweko na umoja wenye nguvu wa wanamuziki, hasa wa muziki ‘live’, hivyo kulipatikana azimio kuwa wanamuziki wahamasishane wenyewe kujiunga na vyama vya muziki. 

Maelezo pia yalitolewa kuhusu nafasi ya sanaa katika Katiba mpya na juhudi ambazo zimekwisha fanywa na jinsi zinavyohitaji umoja katika kipindi hiki cha Bunge la Katiba. Viongozi hawa hatimae walizungumzia changamoto mbalimbali ambazo zinaikumba tasnia hii, na kuamua kuanza kujipanga kupunguza matatizo yale ambayo yako katika uwezo wa bendi. Iliamuliwa kuweko na kikao kingine Jumanne ijayo kuanzia saa nne asubuhi palepale BASATA na kutafuta wajumbe wengine kutoka bandi ambazo hazikuhudhuria mkutano wa leo.

MTANDAO KUFANYA WARSHA YA VIONGOZI WA BENDI

Kamati ya uongozi ya Mtandao wa wanamuziki(TAMUNET), leo imefanya kikao na katika yaliyopangwa na kufanya warsha ya siku moja ya viongozi wa bendi kujadili changamoto mbalimbali zinazozikuta bendi katika zama za sasa. Tarehe ya warsha hii inategemea makubaliano na BASATA ambao watakuwa kiungo muhimu katika warsha hii. Lakini warsha hii lazima itakuwa mwezi huu March kabla ya mkutano mkubwa wa wanamuziki mara baada ya warsha hiyo.

HARAKATI ZA WASANII KUPATA NAFASI KATIKA KATIBA MPYA—3

Kamati ilipata mapokezi ya heshima kubwa kutoka kwa wabunge wa CHADEMA, ambapo Wabunge  sita wa CHADEMA walikaa na kuwasikiliza wawakilishi hawa wa wasanii wakieleza mapendekezo yao katika Katiba kuhusiana na wasanii. Wasanii wana ajenda mbili,

 1. Kundi la wasanii kutajwa katika Katiba kuwa ni kundi rasmi kutokana na ukubwa wa kundi hili nchini, kama yalivyotajwa makundi ya wakulima, wafugaji, wavuvi na kadhalika, pia mchango wake katika ajira ya vijana na ukubwa wa pato linalotokana na kundi hili, ambalo kutokana na kutokutambuliwa linapotea katika mifuko ya watu na kukosesha wasanii na Taifa pato kubwa. 

2. Wasanii walitaka ubunifu ulindwe kwanza kwa ulinzi wa Milikibunifu kutajwa rasmi katika katiba na hivyo kuwezesha sheria bora kutungwa na pia utekelezaji wa ulinzi wa kazi zao uweko kama ilivyo katika mali nyingine za wananchi wengine. Kikao cha saa moja na nusu kilikuwa cha mafanikio na kuwa na faida kwa pande zote mbili.

Wasanii hawakulala mapema kwani walimalizia siku na kuhamia  eneo jingine ambapo walikuwa na kikao na Mheshimiwa Mbunge wa Donge ambae pia ni Mwenyekiti wa Ummoja wa Vijana wa CCM Taifa Mheshimiwa Sadifa, ambapo kikao hicho kiliisha saa saba ya usiku.

HARAKATI ZA WASANII KUPATA NAFASI KATIKA KATIBA MPYA—2

 Ili kuwezesha kufika Dodoma na kuwakilisha mapendekezo yaliyokusanywa na Mashirikisho, Mtandao wa Wanamuziki Tanzania (TAMUNET), waliwezesha idadi ya wasanii 12 kufika na kuishi Dodoma. Wasanii hao wakiwemo viongozi toka Mashirikisho wameza kufika Dodoma na kuanza kazi mara moja ya kukutana na Wabunge mbalimbali, na kufanya nao mikutano na mazungumzo ya papo kwa popa na kwa kweli mapokezi yamekuwa ya hali ya juu yanayoleta tumaini kubwa kwa  wote waliofika huku. Wasanii waliomo katika msafara huu muhimu kwa tasnia na Taifa ni

1.     Simon Mwakifwamba – Rais, Shirikisho la Filamu (TAFF)

2.     John Kitime – Mwenyekiti, Tanzania Musicians Network (TAMUNET)

3.     Bishop Hiluka – Katibu Mkuu, TAFF

4.     Yobnesh ‘Batuli’ Yusuph –Msanii/FilmProducer

5.     Samwel ‘Braton’ Mbwana –Tanzania Urban Music Association (TUMA)/Music Producer

6.     Paul ‘P Funk’ Matthysse – Mwenyekiti, Tanzania Producers Association/ Producer

7.     Kulwa ‘Dude’ Kikumba – Msanii/ Producer

8.     Abdul Salvador –Katibu Mkuu, Shirikisho la Muziki Tanzania (TMF)

9.     Adrian Nyangamale – Rais, _Shirikisho la Sanaa za Ufundi Tanzania

10. Mh. Paulynus Raymond Mtendah – Mbunge Bunge la katiba

11. Yvonne Cherie ‘Mona Lisa’ –Msanii

12. Seleman Hamisi- Producer toka Dodoma

13. Ernest Omalla – Mshauri wa TAFF na TAMUNET

Mara baada ya kufika Dodoma Mbunge wa Bunge la Katiba Mh. Maria Sarungi aliwezesha kufanyika kikao cha kwanza kati yake na wasanii ambapo pia Mh. Paul Makonda alikuweko. Mazungumzo yalifanyika ambapo msafara ukaweza kueleza mapendekezo yake kupitia mshauri mtaalam Ernest Omalla na mwanamuziki John Kitime. Mkutano huu wa saa mbili ulikuwa wenye matumaini makubwa.

Msafara ulitoka hapa na kwenda kwenye mkutano mwingine ambapo msafara tena ulitoa maelekezo yake kwa waheshimia Wabunge watatu, Mh Paul Mtanda, Mh.Livingstone na Mh Murtaza Mangungu, na tena mkutano huo ulikuwa ni mzuri wenye mafanikio mazuri sana. Mheshimiwa Mtanda aliahidi atajitahidi kukusanya wajumbe wa kamati ya Ustawi wa Jamii ili kuweza kupata uelewa wa maombi ya wasanii.

Kamati haikuishia hapo kwani jioni Mheshimiwa  Makonda aliiwezesha kundi hili kukutana na wabunge wengine wakiwemo  Mh. Ahmed Salum, Mh. William Mgeja na Mh. Mpina Mbunge wa Kisesa.

Katika hali ya kuonyesha kuwajali wasanii wabunge wa Dar es Salaam waliwafuata wasanii katika Lodge waliofikia na kuwasikiliza lile ambalo walikuwa wakilitaka. Mheshimiwa Idd Azan na Mh. Abbas Mtemvu waliwakilisha wabunge wa Dar es Salaam na kuwa na saa nzima ya kuwasikiliza wasanii hawa katika malengo yao mawili waliyotaka yaingie katika Katiba.

HARAKATI ZA WASANII KUPATA NAFASI KATIKA KATIBA MPYA—1

MH. PAULYNUS RAYMOND MTENDA

 Kuna mashirikisho manne ya sanaa nchini ambayo ni Shirikisho la muziki, Shirikisho la Filamu, Shirikisho la Sanaa za maonyesho na Shirikisho la Sanaa za Ufundi. Ulipotolewa wito wa makundi maalumu kutoa mapendekezo yao katika Katiba Mpya,  Mashirikisho yalikaa kama Kamati za katiba na kuja na mapendekezo kadhaa kwenye katiba, mapendekezo hayo licha ya kupokelewa na Tume ya Katiba hakuna kilichoingizwa katika Rasimu ya Katiba.

Baada ya hapa ndipo wito ukatolewa wa kupendekeza majina ya watu watakaoingia katika Bunge la Katiba, Mashirikisho yote yalipendekeza majina mbalimbali. Hatimae jina la Paulynus Raymond Mtenda lilirudi kama ndie mwakilishi aliyeweza kutoka katika kundi la Watu wenye malengo yanayofanana .

Tarehe 14, February 2014 viongozi wa Mashirikisho walikutana BASATA kumpongeza Mbunge Mteule huyu na kumkabidhi rasmi mapendekezo ambayo yalipelekwa awali kwenye Tume ya Katiba ili aweze kuyapendekeza katika katiba mpya. 

KAIMU KATIBU MTENDAJI WA BASATA AKIMKABIDHI MAPENDEKEZO YA MASHIRIKISHO MBUNGE MTEULE

 

Pamoja na mapendekezo hayo Shirikisho la Filamu TAFF, na Mtandao wa Wanamuziki Tanzania (TAMUNET), pia walikuja na hoja mbili muhimu nazo ni;

1.     Kutambuliwa kwa wasanii kama ni kundi maalumu katika Katiba, kama yalivyoweza kutambuliwa makundi ya wakulima, wavuvi na wafanyakazi. Sababu kubwa za kuja na hoja hii ni kutokana na ukweli unaopatikana katika tafiti mbalimbali.  Wasanii ni wengi sana, katika ripoti ya BASATA ya mwaka 2006, idadi ya wasanii nchini wakati huo ilikuwa kiasi cha milioni sita. Kwa kuwa ni miaka minane sasa imepita toka wakati wa ripoti hiyo kuna kila sababu ya kuamini kuwa kundi hilo limekuwa kubwa zaidi. Sababu nyingine ni ukweli kuwa wasanii wanasababisha ajira kwa kundi kubwa la watu, wakiwemo wafanyakazi wa vyombo vya utangazaji, wafanya kazi katika biashara ya matangazo, wasambazaji, wafanya biashara ndogondogo, (machinga) na wengine wengi waliomo katika mnyororo wa biashara hii ikiwemo, maproducer, mameneja, mafundi mitambo, watayarishaji wa maonyesho na kadhalika. Hivyo sanaa si utamaduni tu bali ni kazi yenye mapato makubwa. Ripoti ya WIPO ya mwaka 2012 imeonyesha kuwa kazi zitokanazo na Hakimiliki huingiza fedha nyingi zaidi katika uchumi wa Taifa kuliko MADINI, jambo ambalo ni wazi wengi wanaosikia kwa mara ya kwanza hushangaa kwa kuwa kelele za mapato ya Madini ni kubwa sana katika jamii wakati hakuna anaelalamika kuhusu mapato kutokana na hii raslimali ya nchi inayoitwa sanaa. Ripoti hiyo ya WIPO pia ilionyesha kuwa sekta ya Hakimiliki inaajiri watu wengi zaidi kuliko, sekta za Madini, gesi, maji, Ustawi wa Jamii, Afya, Usafirishaji. Hivyo ni sekta ambayo ina umuhimu sana katika uchumi wa Taifa  ikiwa italindwa inavyostahili.

2.     Hoja ya pili ilikuwa kuwekwa rasmi kipengele cha kutambuliwa kwa Miliki Bunifu na kuhakikishiwa ulinzi na uendelezaji wa shughuli za Milikibunifu katika Katiba. Wasanii hutegemea maendeleo yao na uboreshaji wa kazi zao kwa kulindwa kwa Hakimiliki. Lakini ingekuwa ni uchongo wa mawazo kudai ulinzi wa Hakimiliki peke yake. Hivyo lengo ni kupata ulinzi wa Miliki Bunifu ambayo itasababisha kulinda haki za wasanii ,wabunifu, wagunduzi, wanasayansi na wabunifu wa teknolojia mbalimbali. Kuna mifano kila mara hutolewa ambayo inaonyesha nchi kadhaa ambazo wakati nchi hii inapata uhuru, uchumi wa nchi hizo ulikuwa sawa na uchumi wetu, kama vile Malasia, Thailand na Korea Kusini ambazo kutokana na ulinzi  na uendelezaji wenye mipango wa Miliki Bunifu nchi hizo zimewezesha uchumi wao kukua na kuwa katika uchumi bora duniani.